Latin America LibreOffice Conference

Táva Paraguay

Tavaguasu ha táva tuichavéva Paraguay retâme, mburuvichakuéra renda, ha oîháme ygarupa ojepuruvéva, teko myasâiha ha mba'e'aporenda hetavehápe. Táva Paraguay avei oî umi táva Suramerikagua itujavéva apytépe ha hetave tapicha oikohápe ymaite guive Rio de la Plata tuichakue javevépe, ha upévare oñembohéra ichupe Maymave Táva Sy. Hembiasa niko hapo pypuku, ha ipype ojehecharamo iñemuhamimi, avei óga jere ypykue, óga yma etaita ha ikuarahy reike porâite hi'yrembe'y guive.

Upe guive osê umi yvypóra ohova'ekue omoheñói ambue tavakuéra latinoamerikagua, umíva apytépe táva Buenos Aires ñemopu'â mokôiha, ha táva Villarrica, Corrientes, Santa Fe, ha Santa Cruz de la Sierra ñemoheñói. Ko táva niko oñemopyenda Y Paraguay rembe'y asu gotyo, kóva ojojuhuhápe Y Pilcomayo ndive. Y Paraguay ha táva Paraguay ygarupa omopa'û -yvate ha arasê gotyo- tavaguasu Aragua yvypehêgui ha -ñemby gotyo- oñemopa'û Argentina-gui. Táva Paraguay rembyrére katu ojere tetâpehê Central. Táva Paraguay ojeporavókuri LibreOffice Latinoamérika Ñemoñe'ê'aty peteîha rendaĝua oî rehe Amérika Ñembygua mbytetépe ha oikógui ipype software isâsóva puruhára, omba'apóva Guarani ñe'ême, ha'éva Amérikagua ñe'ê ha Paraguay retâ ñe'ê teete.

Tetâ Mbo'ehaovusu Paraguaygua - Aporekokuaaeta Aranduo

Tetâ Mbo'ehaovusu Paraguaygua, oñemoheñoiva'ekue ary 1889-pe, ha'e mbo'ehaovusu ypykue, hi'arevéva ha ojekuaavéva tetâ pukukuépe. Oguereko 14 Aranduo oîháme 78 arandukuaa opaichagua tembikuaa rehegua ha ohesape'âva temimbo'ekuérape taha'eha'éva mba'aporâme. Ko mbo'ehaovusúpe oî 43.000 temimbo'e rasami ha 8.360 mbo'ehára. Ára 9 jasykôi ary 1979-pe oñemoheñóikuri Aporekokuaaeta Aranduo, upéva he'ise ko arýpe ombotyha 40 ary.

Mba'éichapa ñaĝuahêkuaa Aporekokuaaeta Aranduópe

http://www.pol.una.py

UNA Korapy guasu, Tekoha Villa Universitaria, Táva San Lorenzo, Paraguay Retâ
Pumbyry (+595-21) 588 7000 – Pareha Renda 2111
Tape Mcal. Estigarribia rupi jaikekuaa UNA-pe yvy rupi guatahára rape rupi
UNA Korapy guasu, Tekoha Villa Universitaria, Táva San Lorenzo, Paraguay RetâPumbyry (+595-21) 588 7000 – Pareha Renda 2111Tape Mcal. Estigarribia rupi jaikekuaa UNA-pe yvy rupi guatahára rape rupi